Bikarleikur hjá 2. fl. kk. í handknattleik

Víkingar taka á móti Selfyssingum í bikarkeppni 2. fl. kk í handknattleik í Víkinni laugardaginn 23. janúar kl. 12:00. Leikurinn er liður í 8 liða úrslitum bikarkeppninnar en Víkingar sigruðu Aftureldingu í fyrstu umferð hennar. Víkingar og Selfoss hafa ekki spilað saman í vetur síðan í fyrstu umferð deildarinnar. Þá sigruðu Selfyssingar með miklum mun svo Víkingar eiga harma að hefna. Víkingar hafa verið á góðu skriði í síðustu leikjum. Um áramótin bættist þeim góður liðsstyrkur þannig að það má búast við spennandi leik á morgun. Víkingar eru hvattir til að mæta í Víkina og styðja við bakið á strákunum í erfiðum leik.