Fyrsti leikur Víkinga eftir langt hlé fór fram í Víkinni föstudagskvöldið 3. febrúar þegar Stjarnan kom í heimsókn. Það er alltaf dálítil spenna að sjá hvernig liðin hafa nýtt þetta langa hlé til æfinga og undirbúnings fyrir lokaátök vetrarins. Í fyrra komu Víkingar mjög sterkir til leiks og kom það mörgum á óvart þótt það dygði ekki til að ná í úrslitakeppnina. Því voru ákveðnar vonir bundnir við að þeir hefðu æft vel og styrkt sig á þeim sex vikum sem liðnar eru frá síðasta leik. Þeir æfingaleikir sem hafa verið spilaðir við lið í efstu deild gáfu góðar vonir í þá veru.

Lesa frétt »

Það var við hæfi að setjast aðeins niður með Róberti Sighvatssyni, þjálfara meistaraflokks Víkinga í handbolta, í hléinu nú í janúar og taka sólarhæðina á liðinu og fleiru sem viðkemur handboltanum í Víkinni.

Róbert er nú inni á sínu fjórða tímabili sem þjálfari meistaraflokks Víkinga en hann tók við liðinu skömmu eftir að hann flutti til landsins eftir langa dvöl erlendis sem leikmaður og þjálfari í þýskum handbolta. Hann er því kominn með góða yfirsýn yfir stöðu handboltans í Víking.

Lesa frétt »

Síðasti leikur Víkinga á þessu ári fór fram í Víkinni föstudagskvöldið 15. desember en þá komu Fjölnispiltar í heimsókn. Fjölnir er að byggja upp handboltadeildina hjá sér undir styrkri stjórn Gunnars Gunnarssonar Víkings. Fjölnir hefur átt á brattann að sækja í vetur enda margir leikmenn liðsins ungir að árum. Það tekur tíma að byggja upp sterkt handboltalið og því er það virðingarvert af Fjölnismönnum að halda út þann tíma sem þetta tekur.  Meistaraflokksliðum í handbolta hefur fækkað svo mikið það á liðnum árum að það munar um hvert og eitt sem tekur þátt í íslandsmótinu. Fjölnismenn hafa hins vegar sýnt það í vetur að þeir geta bitið frá sér þótt það hafi ekki nægt til sigurs.

Lesa frétt »

Strákarnir í meistaraflokki karla í handbolta spila við Fjölni í Víkinni í kvöld  kl.19:30. Liðin hafa mæst tvisvar sinnum í vetur og hafa strákarnir okkar sigrað í þeim báðum. En þess má geta að Gunnar Gunnarsson fyrrum Íslandsmeistari Víkings í handbotla og fótbolta er þjálfari Fjölnis.
Mætum á völlinn og styðjum Víking til sigurs.

Einar Guðmundsson landsliðsþjálfari U16 ára landsliðs karla hefur valið 50 manna æfingahóp sem mun æfa saman á milli jóla- og nýárs í Kaplakrika. Í hópnum eru tveir Víkingar, þeir Guðni Snær Emilsson og Óttar Magnús Karlsson.