lesa meira

Norðurlandamót í karate 2008

Norðurlandamót í karate fór fram í Laugardalshöllinni á laugardaginn. Keppendur voru tæplega fimmtíu talsins frá öllum Norðurlöndunum auk Eistlands. Færeyingar og Grænlendingar voru þó ekki með enda karate ekki mikið stundað þar.

Keppt var bæði í kata og kumite. Í kumite var keppt í þyngdarflokkum, opnum flokkum og liðakeppni að sjálfsögðu bæði í karla og kvennaflokkum. Keppnislega var um að ræða mót í háum klassa því keppendur á mótið eru aðeins valdir sem fulltrúar viðkomandi lands.

Það voru Svíar sem fengu flest verðlaun á mótinu 4 gull, 4 silfur og 6 brons. Finnar og Norðmenn komu þar á eftir. Íslendingar fengu þrenn bronsverðlaun, þau hlutu Hekla Helgadóttir í kata kvenna, Andri Sveinsson í kumite -80 kg og Ari Sverrisson í kumite – 75 kg.

Fyrir hönd KAÍ flytjum við dómurum og starfsmönnum mótsins okkar bestu þakkir fyrir frábæra frammistöðu við að gera mótið eins glæsilegt og raunin var. Við lítum svo á að þrátt fyrir að hafa ekki sigrað neinn flokk þá höfum við sigrað í mótshaldi!
Prenta grein
« Fara til baka