Vörðust vel gegn firnasterku Valsliði

Íslands- og bikarmeistarar Vals sigruðu HK/Víking eins og vænta mátti þegar liðin mættust í Reykjavíkurmóti meistaraflokks kvenna í Egilshöllinni í gærkvöld. Lokatölur urðu 8:0 eftir að staðan var 4:0 í hálfleik.

Hið firnasterka Valslið réð ferðinni frá fyrstu mínútu en lið HK/Víkings hélt áfram með þá varnarvinnu sem náðist í gang í seinni hálfleiknum gegn Fylki á dögunum og hélt erfiðum mótherjum í skefjum eftir megni.

Lið HK/Víkings:
Mark: Regína Jónsdóttir.
Vörn: Ingibjörg Björnsdóttir, Sólveig Þórarinsdóttir, Berglind Anna Víðisdóttir, Ólöf Guðrún Baldursdóttir (Hrönn Þorsteinsdóttir 55.)
Miðja: Heiður Loftsdóttir, Valgerður Tryggvadóttir (Natalía Reynisdóttir 43.), Arna Kristjánsdóttir.
Sókn: Guðrún Anna Atladóttir, Guðrún Hermannsdóttir, Diljá Helgadóttir (Elísabeth Ásgeirsdóttir 46.)

* Hrönn, sem leikur með 3. flokki Víkings, spilaði sinn fyrsta meistaraflokksleik.
* Guðrún Anna er nýkomin aftur í HK/Víking eftir að hafa leikið með KR og Fylki og spilaði sinn fyrsta leik eftir skiptin.
Sjá nánar:

"Þetta er mjög erfitt mót sem er að baki þar sem við mættum þremur af bestu liðum landsins. Næsta verkefni er deildabikarinn þar sem við munum eiga í höggi við væntanlega andstæðinga okkar í sumar og við búum okkur vel undir það á næstu vikum," sagði Sigurður Víðisson þjálfari HK/Víkings.

* Þetta var lokaleikur HK/Víkings í mótinu og þar með tekur við hlé frá mótsleikjum þar til deildabikarinn hefst í lok mars. Þá verða spilaðir fimm leikir framí maíbyrjun.

* Heiður lék sinn 25. leik í Reykjavíkurmótinu og aðeins Ellen Bjarnadóttir hefur spilað fleiri leiki í mótinu fyrir HK/Víking, 30 talsins.

* Þetta var sjöundi mótsleikur HK/Víkings og Vals frá upphafi og hefur Valur haft betur í öll skiptin. Sjá nánar: Mótherjar.

Mynd: Sigurður Víðisson er þjálfari HK/Víkings.

Frétt af heimasíðu HK