3. fl. kvenna. Eimskipsmótið hálfnað í góðu veðri.

Það er ekki amalegt að stunda knattspyrnu í þeirri blíðunni sem boðið var upp á í Fossvogsdalnum þennan laugardaginn. HK/Víkingur stendur þessa helgina fyrir móti í 3. fl. kvenna og voru leiknar 10 leikir í tveimur riðlum í dag.

Keppt er með hraðmótsfyrirkomulagi þannig að leikið er 2x20 mínútur og bolta spyrnt beint í leik án þess að leggja hann niður eftir að hann berst aftur fyrir endamörk. Þetta leiddi til þess að góður hraði var í leikjunum og mörk skoruð í þeim öllum.  Af heimaliðum er það að segja að Víkingar eru taplausir eftir 1 jafntefli og 1 sigur en HK búið að vinna einn og tapa einum. Raðað var eftir styrkleika í riðlana til að fá sem jafnasta og skemmtilegasta leiiki og virðist hafa tekist mæta vel til í því.

Síðari leikirnir verða svo leiknir á sunnudag en það fyrirkomulag er haft að liðin leika bæði í Víkinni og í Fagralundi og rölta á milli enda stuttur göngutúr.

Tekin var liðsmynd af liðunum hverju fyrir sig í upphafi keppni og hér getur að líta myndina af Víkingi.