Skálaferð

Sælir foreldrar og skíðakrakkar
 
Okkur langar til að fara að vígja skálann okkar þennan veturinn þó að enginn sé snjórinn ennþá. Spurningin er bara að gera gott úr hlutunum og fara að dansa snjódansinn.
Við ætlum semsagt að gista í skálanum frá laugardeginum 6 febrúar til sunnudags. Mæting kl 11 á laugardegi og farið heim kl 14 á sunnudegi.
Ferðin er skipulögð fyrir 8 ára og yngri (Dagmarar hópur) og 9 til 12 ára (Stebba hópur). Allir iðkendur 12 ára og yngri og foreldrar þeirra eru velkomnir í þessa ferð. Stefnan er að þjappa hópinn saman og að æfa.  Við þjálfararnir væntum þess að flestir krakkarnir í þessum hópum mæti.  Víkingur hefur ávallt verið sterkt lið með góða liðsheild, markmið okkar er að halda því starfi áfram, en til að skapa gott lið þarf að byggja góðann grunn, þ.e.a.s yngri deildar starfsemi innan félagasins. Við viljum því bjóða nýliða í félaginu sérstaklega velkomna í þessa ferð.
 
Okkar frábæra foreldrafélag ætlar að skaffa mat, kostnaði er ávallt haldið í lágmarki en verðið er 1000 kr. það sama og hefur verið undanfarin allavega 10 ár.

Barnið þarf því ekki að taka með sér neinn mat í ferðina.
Krakkarnir þurfa að taka með sér svefnpoka eða sæng, viðeigandi fatnað og góða skó. Ef það verður einhver snjór eiga allir sem geta koma með sleða eða gönguskíði.
Það þarf að skrá krakkana í þessa ferð fyrir föstudag svo að hægt sé að kaupa inn og gera ráðstafanir fyrir svo stóran hóp mep tölvupósti eða sms í síma 8612209.
 
Mig langar til að gera ratleik með krökkunum á sunnudaginn er eitthvert foreldri sem hefur reynslu af svona leik og getur komið með góðar hugmyndir. Endilega sendu þær þá á mig á dys2209@gmail.com kv. Dagmar