HK/Víkingur tapaði á Akureyri
19.7.2010
HK/Víkingur mátti sætta sig við ósigur í seinni leik sínum í Norðurlandsferðinni þegar liðið mætti Draupni í 1. deild kvenna í Boganum á Akureyri í gær.
Draupnir vann leikinn, 3:0, enda þótt hann hafi verið jafnari en tölurnar gefa til kynna. Guðrún Anna Atladóttir markvörður HK/Víkings varði þó vítaspyrnu á meðan staðan var enn markalaus.
HK/Víkingur náði því ekki að komast að hlið Keflavíkur í 2. sæti riðilsins. Þrjú stig skilja enn liðin að og þau mætast í Keflavík næsta fimmtudag.
Staðan í A-riðli 1. deildar kvenna.
Nánar um leikinn fljótlega.
Mynd: Guðrún Anna grípur boltann í leik fyrr í sumar
Frétt af heimasíðu HK