Tombóla haldin til styrktar knattspyrnudeildar Víkings!

Það er gaman að greina frá því að félagarnir Breki Örvarsson og bræðurnir Einar Ari og Ólafur Breki Guðnasynir, sem allir eru leikmenn í 7.  flokki, héldu tombólu til styrktar Knattspyrnudeildar Víkings. Strákarnir komu og afhendu Birni Einarssyni formanni knattspyrnudeildar 1813 krónur í kassa sem þeir höfðu safnað. Þegar þeir voru spurðir um hvað þeir vildu að Víkingur gerði við þessa peninga sögðu þeir „kaupa nokkra kalla í meistaraflokkinn“. Frábært framtak hjá þessum ungu drengjum og munu peningarnir örugglega koma að góðum notum við að styrkja leikmannahóp meistaraflokks fyrir komandi átök.