Á laugardaginn kemur er næst síðasti heimaleikur sumarsins hjá mfl. karla. Andstæðingar að þessu sinni verða ÍR-ingar.Leikurinn er gríðarlega mikilvægur fyrir Víking. Liðið okkar trónir á toppi deildarinnar og aðeins þrír leikir eftir. Stuðningur við strákana hefur vaxið með hverjum leik og það var sérlega ánægjulegt að sjá hvað margir lögðu leið sína á Seltjarnarnes síðastliðinn föstudag.
Í tilefni af opnun nýs veitingastaðar við Sprengisand hefur Grillhúsið ákveðið að bjóða öllum á leikinn.
Af þessu tilefni verður blásið til fjölskylduhátíðar á laugardaginn og hefst fjörið kl. 12.
-
Hoppukastali fyrir börnin verður á svæðinu
-
Andlitsmálun
-
Grillmeistarar glóða hin víðfræga Víkingsborgara
-
Víkingspeysur, húfur og treflar til sölu
Víkingar - tökum höndum saman, fyllum stúkuna og styðjum strákana.
Við viljum öll sjá liðið okkar í efstu deild að ári.
Áfram Víkingur !