Um Víking
  • Víkingur er hverfafélag í besta skilningi þess hugtaks. Margar fjölskyldur nefna barna- og unglingastarf félagsins sem helstu ástæðu þess að þær vilja búa í Víkingshverfunum eða fluttu jafnvel þangað á sínum tíma.
  • Víkingar eru þekktir fyrir að búa vel að æskufólki á heimaslóðum sínum. Íbúar hverfanna á aldrinum þriggja til sex ára kynnast félaginu fyrst í Íþróttaskóla barnanna og eftir það liggur leiðin í íþróttastarf á vegum deilda Víkings.
  • Skráðir iðkendur hjá Víkingi, yngri en 16 ára,  voru um 1.200 talsins vorið 2008. Þar af voru um 400 í knattspyrnudeild og um 250 í handknattleiksdeild. Aðrir iðka tennis, borðtennis, karate eða skíðaíþróttir.
  • Iðkendum knattspyrnu, handknattleiks og karate hefur fjölgað undanfarin misseri og einkum er áberandi hve áhugi fyrir handbolta og karate hefur aukist. Eitt mesta ánægjuefnið er þó hve mikið stúlkum hefur fjölgað hlutfallslega í hópi ungra Víkinga. Þannig æfa ívið fleiri stúlkur en drengir handbolta á vegum félagsins.