FÉLAGIÐ

Knattspyrnufélagið Víkingur og Sideline Sports hafa gert með sér þriggja ára samstarfssamning um notkun Víkings á hugbúnaði frá Sideline Sports. Fyrirtækið hefur um árabil boðið íþróttafélögum um allan heim upp á hugbúnað sem nýtist vel við skipulagningu á íþróttastarfi og til leikgreiningar.

Nýr samningur á milli Víkings og Sideline Sports gerir öllum þjálfurum Víkings kleift að vinna með Sideline í sínu starfi sem mun hjálpa félaginu við að efla umgjörð, skipulag og gæði í kringum íþróttastarf félagsins.

Jafnframt mun Knattspyrnufélagið Víkingur taka í notkun nýjan samskiptahluta í vörulínu Sideline. Samskiptahlutinn er ekki síst mikilvægur en með honum geta þjálfarar, iðkendur og forráðamenn haft yfirsýn með starfi félagsins í gegnum app í snjallsíma eða spjaldtölvu. Með Sideline appinu verður með einföldum hætti hægt að hafa yfirsýn yfir æfingar, mætingar og margt fleira. Þjálfari getur með einföldum hætti sent út tilkynningar og haft samskipti við iðkendur eða forráðamenn.

Markmiðið með innleiðingu á þessum samskiptahluta er að draga verulega út notkun á hópsíðum á Facebook sem mörg íþróttafélög hafa reitt sig á til að halda utan um íþróttastarf flokka. Notkun á samskiptahluta Sideline Sports fer af stað innan deilda Víkings á næstu vikum. Með því að taka í noktun þessa nýjung frá Sideline gefst félaginu tækifæri á að efla verulega upplýsingagjöf til iðkenda og forráðamanna.

Innleiðing Sideline mun eiga sér stað á næstu viku og ætti henni að vera lokið eftir 2 vikur. 

mynd1

mynd2

mynd3

mynd4

mynd5

mynd6

TVG ZIMSEN logo prufa22019 Macron Logo NEG 1ERREA
Skrá sig á póstlista Víkings.

 header object clear2 minna