FÉLAGIÐ

Magnús Kristinn Magnússon borðtennismaður var í kvöld útnefndur Íþróttamaður Víkings 2017.

Magnús Kristinn hefur um langt árabil verið einn besti borðtennismaður landsins.  Á árinu varð hann Íslandsmeistari í einliðaleik karla og bikarmeistari með Víkingsliðinu. Þá sigraði Magnús fjölmörg stigamót á vegum Borðtennissambandsins á árinu.

Aðrir sem voru tilnefndir eru:

  • Halldór Smári Sigurðsson, knattspyrna
  • Birgir Már Birgisson, handknattleikur
  • Egill Sigurðsson, tennis
  • Jón Gunnar Guðmundsson, skíði

 

Jólaútgáfa fréttabréfs Víkings er komið út.

Vikingur frettabref 5. arg. 6. tlb. Desember 2017


Fjölbreytt efni er að vanda í blaðinu, m.a. um lokahóf knattspyrnudeildar, yngri flokka í knattspyrnu sem og umfjöllun um handbolta, skíði og tennis.

Þú getur nálgast blaðið hér

Bestu óskir um gleðileg jól og farsælt komandi ár. Þökkum liðin ár
Knattspyrnufélagið Víkingur

 

Í dag voru veitt verðlaun í árlegri jólakortasamkeppni Víkings.

Það eru nemendur í 3. bekk í Breiðagerðisskóla og Fossvogsskóla sem taka þátt í keppninni. Sigurvegarinn þetta árið kemur úr Breiðagerðisskóla og heitir jens Pétur Atlason. Hann teiknaði sigurmyndina, en í ár val valið sérlega erfitt þar sem hátt í 100 myndir bárust í keppnina.  

Til hamingju Jens Pétur

 

 

Á vegum Knattspyrnufélagsins Víkings er starfræktur Íþróttaskóli barnanna sem ætlaður er börnum á aldrinum 2-5 ára. Þar fer fram fjölbreytt og áhugaverð dagskrá þar sem haft er að leiðarljósi að efla skyn- og hreyfiþroska barnanna ásamt því að kenna þeim að vinna með öðrum, umgangast aðra og taka tillit hvort til annars.Í fyrsta skipti verður boðið upp á Íþróttaskóla Víkings á tveimur stöðum, annars vegar í Réttarholtsskóla og í Álftamýraskóla á laugardögum. 

Íþróttaskólinn fer fram laugardögum í íþróttasal Réttarholtsskóla og íþróttasal Álftamýraskóla. 

_______________________________________________________

Athugið - Íþróttaskóli Víkings hefst aftur laugardaginn 9. maí 

Næstu tímar eru 9. maí, 16. maí og 23. maí 

________________________________________________

Mikilvægt er að skrá í rétt námskeið þar sem boðið er upp á 2 námskeið á sama tíma. (Réttarholstskóli / Álftamýraskóli) 

Hópnum er iðulega skipt í tvennt: 

Börn fædd 2017 - 20018 kl. 9:30  

Börn fædd 2016 - 2014 kl. 10:30

Fyrsti tími vorannar 2020 er laugardagurinn 11. janúar en um er að ræða 12 skipti. (Nánari dagskrá liggur fyrir í janúar) 

Skráning í Íþróttaskóla Víkings er í gegnum www.vikingur.felog.is skráning í skólann hefst mánudaginn 9. desember. 

Upphafsbréf vorannar 2020

Réttarholtsskóli

Álftamýrarskóli

____________________

Mælt er með að börnin mæti berfætt eða í sokkum með stjörnum undir svo þau nái sem bestu gripi á gólfinu og renni ekki. Foreldrar og forráðamenn eru hvattir til að taka þátt í tímunum og vera börnunum til aðstoðar t.d. í áhaldahringjum og við klifur. Ef barn er óöruggt á einhvern hátt (skortir kjark eða færni) þarf líka að styðja það vel í upphafi og draga sig síðan í hlé þegar færnin verður meiri og sjálfstraust eykst. 

Aðstaða er til fataskipta sé þess óskað. 

Verð fyrir námskeiðið er kr.16.400 kr fyrir 12 tíma

Að venju fá börnin boli merkta skólanum og Víkingi. 

Aðeins er pláss fyrir 40 börn í hvoru námskeiði. 

Hægt er að fá nánari upplýsingar um Íþróttaskóla barnanna í Víkinni í síma 519-7600 eða með því að senda tölvupóst á 

Þjálfari skólans í Álftramýrarskóla 

Jenný Ósk Þórðardóttir, Íþróttafræðingur, gsm: 8689003,

 Þjálfarar skólans í Réttarholtsskóla  

Gabríela Birna Jónsdóttir, Íþrótta- og heilsufræðinemi, gsm: 845 9677,   

Gunnar Geir Gunnlaugsson, Íþrótta- og heilsufræðinemi, gsm: 770 3245,  

 


 

Fossvogshlaup Hleðslu 2017

- Arnar Pétursson setur brautarmet í 5 km hlaupi á 15:22

- Andrea Kolbeinsdóttir setur brautarmet í 5 km á 18:28

- Fríða Rún Þórðardóttir setur brautarmet í 10 km  á 39:56  - bætti eigið brautarmet frá 2014 um 34s

Fossvogshlaup Hleðslu fór fram í gær fimmtudaginn 24. ágúst en um er að ræða árlegt götuhlaup við Víkina í Fossvogi þar sem boðið er upp á tvær vegalengdir, 5 og 10 km. Hlaupið hefur verið haldið árlega síðustu sjö ár og er eitt fjölmennasta sumarhlaup ár hvert. Metþátttaka var í hlaupinu í ár en tæplega 450 voru skráðir til leiks, þar af luku 417 keppni.

Arnar Pétursson nýkrýndur Íslandsmeistari í maraþonhlaupi gerði sér lítið fyrir og hljóp sitt allra besta 5 km hlaup á tímanum 15:22 og setti í leiðinni brautarmet. Í kvennaflokki var það hlaupakonan Andrea Kolbeinsdóttir úr ÍR sem bar sigur úr býtum en hún kom í mark á tímanum 18:28 sömuleiðis á nýju brautarmeti

Í 10 km hlaupinu voru hlaupnir tveir 5 km hringir og fyrstur í mark í karlaflokki var Sigurjón Ernir Sturluson á tímanum 35:55 og í kvennaflokki sigraði Fríða Rún Þórðardóttir með yfirburðum á tímanum 39:56 og bætti um leið eigið brautarmet frá 2014 um 34 sekúndur.

Mikil og góð stemning var meðal þátttakenda og starfsmanna í hlaupinu enda aðstæður með besta móti í Fossvoginum í gær, bæði stillt og milt. Sjálfboðaliðar frá Víkingi sjá um alla skipulagningu og utanumhald við hlaupið en í kringum 70 manns komu að hlaupinu í tengslum við uppsetningu, frágang, brautarvörslu og fleiri þætti.

Meira en 20 stuðningsaðilar koma að framkvæmd hlaupsins með gjöfum á útdráttarverðlaunum. Aðalstyrktaraðili hlaupsins undanfarin 2 ár er Hleðsla orkudrykkur og kunnum við þeim bestu þakkir fyrir.

Almenningsíþróttadeild Víkings er hluti af Knattspyrnufélaginu Víkingi. Markmið deildarinnar er að stuðla að þátttöku almennings í heilsueflandi íþróttum þar sem áherslan er lögð á rækt sálar og líkama,  ekki eingöngu á mælanlegan árangur í keppnum.  Deildin heldur úti æfingum í hlaupum og hjólum 3. sinnum í viku ásamt jóga æfingum einu sinni í viku.  Þjálfarar félagsins eru Fríða Rún Þórðardóttir og Haraldur Haraldsson. 

Allir eru velkomnir að skrá sig í hlaupahópinn og mæta á æfingar.  Nánari upplýsingar á má finna á http://vikingur.is/almennings/

Myndir úr hlaupinu eru inná Facebook síðu hlaupsins, https://www.facebook.com/fossvogshlaup/

Öll úrslit má finna á hlaup.is,  http://www.hlaup.is/

 

Grant Volterenforte2019 Macron Logo NEG 1
Skrá sig á póstlista Víkings.

 header object clear2 minna