Knattspyrna

Í dag náðist samkomulag við Fulham FC um félagaskipti sóknarmannsins Atla Hrafns Andrasonar sem lék með Víkingi síðastliðið sumar sem lánsmaður. Atli sem fæddur er 1999 er uppalinn í KR en á að baki 20 leiki í deild og bikar á Íslandi fyrir KR og Víking. Atli hefur leikið 25 leiki fyrir yngri landslið Íslands. Atli Hrafn hefur fengið félagaskipti og verður löglegur með Víkingi þegar liðið mætir Breiðabliki í Lengjubikarnum á morgun.

Sömuleiðis náðist samkomulag við SC Heerenveen FC um félagaskipti Júlíusar Magnússonar til Víkings. Júlíus er miðjumaður sem fæddur er árið 1998 og hefur leikið fyrir U21 árs lið Heerenveen í Hollandi undanfarin ár og er fastamaður í U21 árs landsliði Íslands. Júlíus fór frá Víkingi til Heerenveen árið 2015. Júlíus kemur til landsins um helgina og verður löglegur þegar Víkingur mætir Gróttu næstkomandi föstudag.

Knattspyrnudeild Víkings fagnar að hafa samið við þessa ungu og efnilegu leikmenn og bindur miklar vonir um að þeir muni eiga bjarta framtíð hjá félaginu

 

Atla Hrafni Andrasyni með Arnari Gunnlaugssyni þjálfara Víkings eftir undirritun í dag.

TVG ZIMSEN logo prufa22019 Macron Logo NEG 1
Skrá sig á póstlista Víkings.

 header object clear2 minna