Hilmar Snær Örvarsson úr skíðadeild Víkings tekur þátt í Vetrarólympíuleikum fatlaðra fyrir hönd Íslands. Leikarnir fara fram í Pyeongchang í Suður-Kóreu dagana 9. – 18. mars.
Hilmar Snær mun keppa í svigi þann 14. mars og stórsvigi 17. mars. Árangur Hilmars er eftirtektarverður en hann verður annar þátttakandi frá Skíðadeild Víkings til að taka þátt í Ólympíuleikum en Brynjar Jökull Guðmundsson tók þátt í Vetrarólympíuleikunum í Sochi árið 2014.
Þjálfari Hilmars er Þórður Georg Hjörleifsson og honum til aðstoðar er Einar Bjarnason.
Knattspyrnufélagið Víkingur óskar Hilmari Snæ góðs gengis á leikunum í Suður Kóreu.
